பாங்காக், 18 மே (பெர்னாமா) -- தாய்லாந்து பொது பூப்பந்து போட்டியின் வெற்றியாளர் பட்டத்தை கைப்பற்றி, நாட்டின் மகளிர் இரட்டையர் பெர்லி தான் - எம்.தீனா வாகை சூடினர்.
இந்த வெற்றியின் வழி, 1984-ஆம் ஆண்டு அறிமுகப்படுத்தப்பட்டதில் இருந்து, தாய்லாந்து பொது பூப்பந்து போட்டியில் வெற்றி பெற்ற, முதல் மலேசிய மகளிர் ஜோடி என்ற வரலாற்றையும் அவர்கள் படைத்தனர்.
இன்று நிமிபுட்ர் அரங்கில் நடைபெற்ற இறுதி ஆட்டத்தில், அவர்கள் தென் கொரியாவின் ஜியோங் நா யூன்-லீ யியோன் வூஜோடியுடன் மோதினர்.
இதில், 21-16, 21-17 என்ற புள்ளிகளில் பெர்லி -தீனா எளிதாக வெற்றி பெற்றனர்.
இவர்களின் ஆட்டம் 58 நிமிடங்கள் வரை மட்டுமே நீடித்தது.
பெர்லி தான் - எம்.தீனாவுக்கு வெற்றிப் பரிசாக ஒரு லட்சத்து 61,191 ரிங்கிட் வழங்கப்பட்டது.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30 (ஆஸ்ட்ரோ) 502)
