சியாமென், 01 மே (பெர்னாமா) -- சுடிர்மான் கிண்ண பூப்பந்து போட்டியின் குழுப் பிரிவுக்கான ஆட்டங்கள் இன்று நிறைவு பெற்றன.
சி குழுவுக்கான இறுதி ஆட்டத்தில், ஜப்பானிடம் 2-3 என்ற நிலையில் மலேசியா தோல்வியடைந்தது.
மலேசியாவின் கலப்பு இரட்டையரான சென் தாங் ஜி - டோ ஈ வெய், ஜப்பானின் ஹிரோகி மிடோரிகாவா-அரிசா இகராஷி இணையினரை 21-19, 21-18 என்ற புள்ளிகளில் தோற்கடித்து மலேசியாவுக்கு முதல் புள்ளியைப் பெற்றுத் தந்தனர்.
இரண்டாம் ஆட்டத்தில் களமிறங்கிய தேசிய ஆடவர் ஒற்றையரான லியொங் ஜுன் ஹொ 21-8, 13-21, 21-18 என்ற புள்ளிகளில் வெற்றி பெற்று மலேசியாவை முன்னணி வகிக்கச் செய்தார்.
இருப்பினும், அடுத்த மூன்று ஆட்டங்களிலும் தேசிய மகளிர் ஒற்றையர் கொ ஜின் வெய், தேசிய ஆடவர் இரட்டையர் கொ சி ஃபெய் - நுர் இசுடின் ரும்சாமி மற்றும் மகளிர் இரட்டையர் பெர்லி டான் - எம்.தினா ஆகியோர் தோல்வியைப் பதிவு செய்து, ஜப்பானின் வெற்றிக்கு வழிவிட்டனர்.
சீனா சியாமெனில் நடைபெற்ற இவ்வாட்டத்தில் தோல்வி அடைந்தாலும், சி குழுவில் இரண்டாவது இடத்தை பிடித்ததால், மலேசியா காலிறுதி ஆட்டத்திற்குத் தேர்வாகியது.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
